Príncipe
Recollida en Naraío (San Sadurniño), onde lle chaman “asturiana”, mazá moi afamada na comarca ferrolá e limítrofes. Árbore de porte ergueito na etapa xuvenil, máis estendido cos anos, moi vigorosa, productiva, pero de entrada lenta en producción. O froito é de tamaño medio, asimétrico, amarelo raiado de encarnado, de sabor suavemente doce cun punto de astrinxencia e acidez; con carne amarelo verdosa e blanda. Madurece en outono-novembro e consérvase ata marzo.